في Smoothify نؤمن إن العلاقة الحلوة تبدأ بالوضوح. هذي سياساتنا مكتوبة بصدق، عشان تعرفين وش تتوقعين وما فيه مفاجآت.
نحرص نحن وأنتِ نراجع الطلب زين قبل الإتمام. لأن بمجرد ما يبدأ التجهيز، يصعب علينا نوقف العجلة.
الأيام العادية: تقدرين تلغين طلبك بسهولة ما دامت حالته "بانتظار المراجعة". بعدها بدأ فريقنا يشتغل عليه، وما نقدر نوقفه.
الطلبات اللي وصلت لأي من هذي الحالات لا يمكن إلغاؤها: قيد التنفيذ — جاري العمل على الطلب — تم التنفيذ — جاري التجهيز — تم الشحن
أيام العروض: في أوقات العروض الضغط يكون عالي على فريقنا وشركة الشحن عشان نوصّل بأسرع وقت. لهذا السبب ما نقدر نقبل أي إلغاء أو تعديل خلال فترة العروض — لذا راجعي طلبك زين قبل ما تكملين.
ملاحظة مهمة: الطلبات عن طريق تابي أو تمارا لا يمكن إلغاؤها بسبب طبيعة نظام الدفع المقسّط.
راحتك تهمنا، ونقف معك في حالتين:
كيف تطلبين الاستبدال؟ تواصلي معنا خلال 24 ساعة من استلام الطلب على الواتساب، مع صورة للمنتج والعبوة قبل فتحها. نحن نهتم بالباقي.
بعد 24 ساعة من الاستلام ما نقدر نضمن حالة المنتج، لذا نرجو التواصل بأسرع وقت.
إذا لم يتم استلام الطلب بعد وصوله أو تغيير العنوان بعد مرحلة التنفيذ، يُخصم مبلغ 50 ريال يغطي تكلفة الشحن ذهاباً وإياباً (35 ريال شحن + 15 ريال ضريبة مسترجعة).
بعض دول الخليج تفرض رسوماً جمركية على المنتجات الواردة — هذه الرسوم تُحصّل من جهة الدولة المستلِمة وليست من عندنا.
منتجاتنا طبيعية 100% وهذا فخرنا. لكن كل بشرة مختلفة — نرجو قراءة قائمة المكونات بعناية والتأكد من عدم وجود حساسية لأي مكوّن قبل الاستخدام.
أي سؤال أو استفسار؟ نحن دايماً هنا. تواصلي معنا على الواتساب عن طريق الايقونه الخاصة— ونرد عليك بأسرع وقت.
